U bë pranim – dorëzimi i Planit për Përmirësimin e Shërbimeve Kadastrale

30/10/2024 Institucionet

Kryetari i komunës së Vitisë Sokol Haliti, ka pritur sot në takim znj. Jennifer Ober – drejtoreshë e Aktivitetit të USAID-it Qeverisja e Pronës, me ç’rast në mënyrë protokollare ajo i ka dorëzuar kryetarit Haliti, Planin për Përmirësimin e Shërbimeve Kadastrale.

Kryetari Haliti, fillimisht ka falënderuar USAID-in për bashkëpunimin e vazhdueshëm me komunën e Vitisë dhe me këtë rast, theksoi se ky plan është shumë i rëndësishëm dhe ka për qëllim rritjen e efikasitetit dhe gjithëpërfshirjen në ofrimin e këtyre shërbimeve për qytetarët tanë, në Zyrën Kadastrale Komunale (ZKK).

Përndryshe, përmes këtij bashkëpunimi, do të punohet në Rritjen e kapaciteteve të stafit, përmirësimin e infrastrukturës, avancimin e teknologjisë për një ofrim më të lehtë të shërbimeve, dhe prioritizimin e të drejtës së trashëgimisë për grupet e përjashtuara shoqërore, veçanërisht gratë dhe personat me aftësi të kufizuara.

Komuna e Vitisë, mbetet e përkushtuar për të siguruar që shërbimet kadastrale të jenë të pranueshme dhe të barabarta për të gjithë qytetarët.

Kontrolloni gjithashtu

Shoqata e ish të Burgosurve Politik në Ferizaj, përkujtoj një nga periudhat më të rëndësishme të historisë sonë të re, Pranvera Shqiptare e vitit 1981

Nën organizimin e Shoqatës të ish të Burgosurve Politik në Ferizaj, me pjesëmarrjen edhe të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara