U dislokua tregu i kafshëve në lokacionin e ri

27/05/2021 Institucionet

Tregu i kafshëve në komunën e Vitisë, që nga sot ka filluar në lokacion të ri, në periferi të fshatit Drobesh, ku është dislokuar nga pjesa tjetër e këtij fshati, me qëllim të lirimit të hapësirës së Palestrës sportive dhe krijimit të kushteve më të favorshme sportive në këtë zonë. Për të parë nga afër punimet që janë kryer në lokacionin e ri, kryetari i komunës së Vitisë Sokol Haliti, i shoqëruar edhe nga Drejtori i Shërbimeve Publike Nexhmedin Jakupi dhe drejtori i Inspektoratit Skender Ahmeti, kanë vizituar tregun e ri të kafshëve. Kushtet për zhvillim normal të këtij tregu, në lokacionin e ri janë shumë më të mira, pasi që ekziston edhe uji, rryma dhe peshorja. Ndërkohë, tregu do të jetë nën mbikëqyrje të mjekëve veteriner të cilët bashkërisht e kanë fituar tenderin për mirëmbajtje për 5 vitet e ardhshme, ku edhe do të kujdesen për shëndetin e kafshëve e do të kryejnë shërbime të tjera të nevojshme aty. Edhe nga Inspekcioni dhe Policia është bërë e ditur se gjithçka ka shkuar mirë sa i përket dislokimit të tregut që është bërë sot në lokacionin e ri. Aktualisht, lokacioni i tregut të ri të kafshëve për komunën e Vitisë në Drobesh, është shtruar me zhavorr, ndërkohë që priten edhe investime të tjera.

Kontrolloni gjithashtu

Komuna e Vitisë organizon tryezë diskutimi për aktivizimin kundër dhunës ndaj gruas

Komuna e Vitisë, përmes zyrës së kryetarit dhe Zyrës për Barazi Gjinore, ka mbajtur sot …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara