U INAUGURUA FILLIMI I PUNIMEVE PËR AUTOUDHËN PRISHTINË-GJILAN- DHEU I BARDHË

16/04/2018 Institucionet

Në prani të shumë qytetarëve dhe me pjesëmarrjen e shumë personaliteteve të jetës politike dhe kulturore në vend, të dielën kanë filluar edhe zyrtarisht punimet për ndërtimin e Autoudhës Prishtinë-Gjilan- Dheu i bardhë. Ministri i Infrastrukturës, Pal Lekaj, duke i falënderuar për prezencën dhe ndihmesën e dhënë në realizimin e këtij projekti kaq të madh, Kryeministrin e Kosovës, Ramush Haradinaj, Ministren e Ministrisë së Ambientit dhe Planifikimit Hapësinor dhe Kryetarin e Komunës së Gjilanit tha: “Jemi sot këtu për të nisë një gjigant infrastrukturor për Anamoravën dhe Karadakun, autostradën Prishtinë – Gjilan, 22 kilometra e gjatë, në segmentin e parë, me katër shirita dhe me të gjitha standardet e nevojshme, e cila do të shkurtojë kohën e lëvizjes nga Prishtina për në Gjilan, e në këtë drejtim edhe me Kosovën Lindore dhe anasjelltas, kjo është në fakt edhe synimi ynë si Qeveri e Kosovës dhe si Ministri e Infrastrukturës, që të lidhim qytetarët dhe bizneset ndërmjet vete përmes rrugëve të mira e me standarde. Faleminderit qytetarëve të kësaj anë për gjithë mirëkuptimin e tyre, faleminderit nga Kryeministri Haradinaj i cili i ka dhënë mbështetjen e pa rezerve për t’u materializuar ky projekt, Ministres se Mjedisit dhe Planifikimit Hapësinorë që e ka mbështet me të gjitha kapacitetet e saja që të mos zgjatemi për shkak të shpronësimeve, Ministrin e Financave që është kujdesur për alokim të vijës buxhetore, kryetarin e Gjilanit për durimin e tij dhe kështu të gjithë akterët relevant, që si tërësi mundësojmë të zhvillohen këto projekte” tha Ministri Lekaj. Ndërsa, duke folur për rëndësinë e projekteve infrastrukturore dhe lidhjen që ato po krijojnë ndërmjet qyteteve dhe lehtësimin në qarkullim për qytetarët e vendit, ministri Lekaj ndër të tjera theksoi: “Si fillim, Kosova u bë me autostradën “Ibrahim Rugova” që lidhet me Rrugën e Kombit, pra kështu Shqiptarët tani komunikojnë shumë më shpejt se më parë. Kosova, e Prishtina si kryeqendër e saj, po lidhet me Shkupin përmes autostradës “Arbën Xhaferi” e cila do të përfundojë në këtë vit, edhe përmes kësaj autostrade po lidhen shqiptarët. Tani po fillojmë së ndërtuari edhe një lidhje tjetër, kjo përmes kësaj autostrade e cila do të mundësojë që Prishtina t’iu ofrohet shqiptarëve në Kosovën Lindore, e në fillim të vitit 2019 Istogun, Pejën, Deçanin, e Gjakovën do t’i lidhim ndërmjet vete me Prizrenin e kështu bashkë të gjitha me Shqipërinë. Pra më një fjalë, rrugët duhet të shihen si diçka jetike për Kosovën dhe zhvillimin e saj e po ashtu edhe si vija përbashkuese të qytetarëve të vendeve të rajonit, e veçanërisht për shqiptarët, të cilëve për një kohë të gjatë u është mohuar kjo mundësi. Jam me fat që si Ministër i Qeverisë së Republikës së Kosovës, i Qeverisë Haradinaj, në mandatin tonë katër vjeçar do të përmbyllim qarkoren e autostradave në Kosovë, do ta bëjmë Kosovën më atraktive dhe të qasshme më shpejt për investitorët e shumtë që janë të interesuar të vijnë këtu. Andaj duke ju thënë urime për ketë që po fillojmë sot, garantoj se punët do të përfundojnë në afatin e paraparë”, u shpreh në fund të fjalës së tij ministri i Infrastrukturës, Pal Lekaj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara