U mbajt dëgjimi buxhetor me komunitetin jo shumicë në Viti

24/08/2022 Institucionet

Zëvendëskryetari i komunës së Vitisë, Hasan Aliu dhe Besnik Imeri, drejtor për Ekonomi Financa dhe Zhvillim, kanë mbajtur dëgjimin për planifikimin e buxhetit komunal 2023-2025 me pjesëtarë të komunitetit jo shumicë që jetojnë në komunën e Vitisë. Zëvendëskryetari Aliu foli mbi qëllimin e këtij takimi, konkretisht për grumbullimin e kërkesave të qytetarëve dhe mundësin e përfshirjes në buxhetin e vitit 2023. Kurse drejtori për Ekonomi, Financa dhe Zhvillim, Besnik Imeri pasi prezantoj buxhetin e vitit 2024 tha se komuna e Vitisë, ka pranuar nga Ministria e Financave qarkoren e dytë buxhetore 2023-2025 por me theks të veçantë do të bisedohet për vitin në vijim pasi që buxheti është i përcaktuar dhe për të tjerat janë projeksione. Ndërkaq pjesëmarrësit kërkuan të ju ofrohet më shumë ndihmë qoftë në rregullimin e shtëpive të vjetra, përkrahje financiare, furnizim me lëndë djegëse por edhe të rregullohet kanalizimi në rrugën “2 Korriku” në Viti. Ndërkaq për banorët kroat të moshuar nga fshati Letnicë u kërkua që të ketë transport falas se paku një herë në javë.Gjithashtu u kërkua të sigurohet uji i pijshëm për nxënësit në fshatin Binçë dhe po ashtu që në këtë fshat të rregullohet rruga deri në Debelldeh dhe trotuari nga qendra e fshatit deri te shkolla.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara