U mbajt diskutimi publik për planifikimin e buxhetit me banorët e fshatit Sadovinë e Jerlive

26/08/2021 Institucionet

Kuvendi komunal i Vitisë dhe Drejtoria për Ekonomi, Financa dhe Zhvillim, kanë vazhduar me ciklin e diskutimeve publike për planifikimin e buxhetit komunal për vitet 2022-2024 me qytetarët e komunës së Vitisë. Me këtë rast u mbajt diskutimi publik në fshatin Sadovinë e Jerlive. Me këtë rast Drejtori për Ekonomi, Financa dhe Zhvillim, Ibrahim Rama, ka bërë prezantimin e buxhetit të paraparë për vitin në vijim sipas kategorive ekonomike. Kurse banorët e Sadovinës së Jerlive patën këto kërkesa: Funksionalizimi i disa pjesëve të kanalizimit në disa lagje, veshja e shtratit të lumit me gurë, rregullimi i fushës sportive në oborrin e shkollës fillore, ndërtimi i një ure të “Guquftë”, funksionalizimi i ujësjellësit dhe zgjatja e gypit kryesor edhe për 2 kilometra.  Ndonëse ishte paraparë që të mbahet edhe një takim i tillë me banorët e fshatit Sllatinë e Epërme, kjo mbledhje nuk është mbajtur në mungesë të numrit të pjesëmarrësve. Përndryshe një diskutim i tillë publik do të mbahet edhe me banorët e Pozheranit dhe atë me fillim në ora 19:00.

Kontrolloni gjithashtu

Smajl Latifi: Në 26-vjetorin e rënies heroike përkujtuam dëshmorët e kombit, Visar Hotin dhe Safet Latifin

Kryetari i komunës së Rahovecit, z. Smajl Latifi, në 26-vjetorin e rënies heroike, në vendin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara