U mbajt mbledhja e dytë e rregullt e Kuvendit Komunal të Vitisë, me theks të veçantë u diskutua mbi punën njëvjeçare të kryetarit Haliti

26/02/2021 Institucionet

Kuvendi Komunal i Vitisë, ka mbajtur mbledhjen e dytë të rregullt për këtë vit. Gjatë këtij takimi janë shqyrtuar disa pika të rendit të ditës. Megjithatë diskutimi më i madh është bërë për Informatën (Raportin) e zyrës së kryetarit të komunës së Vitisë për periudhën Janar-Dhjetor 2020. Kryetari i Komunës së Vitisë, Sokol Haliti para këshilltarëve të kuvendit komunal ka paraqitur informatën mbi punën e njëvjeçare për vitin e shkuar. Me këtë rast ai ka përmendur edhe sfidat që ka kaluar komuna e Vitisë shkaku i gjendjes së pandemisë të shkaktuar në vendin si pasoj e virusit COVID-19. “Të nderuar këshilltarë, viti 2020 na sfidoi me përhapjen e virusit Sars Cov 2, gjendje kjo që Organizata Botërore e Shëndetësisë e shpalli si Pandemi globale Covid 19, pasi që ky virus e përfshiu tërë globin, duke mos e përjashtuar edhe vendin tonë. Rasti i parë me Sars Cov 2, pikërisht u paraqit në komunën tonë me datë 13 Mars 2020, ku edhe prej këtij rasti virusi filloi të përhapet me shpejtësi mjaftë të madhe. Pas rasteve të paraqitura, me vendim të Ministrisë së Shëndetësisë, Vitia ishte zonë e karantinuar, ku nga kjo situatë puna jonë në Administratën Komunale ishte mjaft voluminoze, pasi që menjëherë formuan Komitetin Emergjent për Mbrojtje dhe Shpëtim, i cili përbëhej nga të gjithë akterët relevant të institucioneve komunale, si akterët nga komuna, policia, shërbimi i zjarrfikësve dhe të tjerë” u shpreh Kryetari Haliti duke i falënderuar të gjithë ata që kanë ndihmuar komunën e Vitisë gjatë kësaj periudhe të vështirë. Gjatë paraqitjes së këtij raporti kryetari Haliti ka folur edhe për punën e zhvilluar në secilën drejtori, sektor dhe zyre përkatëse. Megjithatë këshilltarët e kuvendit Komunal nga partitë opozitare kanë paraqitur vërejtjet e tyre lidhur me punën njëvjeçare të kryetari Haliti për të cilat ky i fundit ka dhënë sqarim.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara