U mbajt mbledhja e IV-të e Këshillit Komunal për Siguri në Bashkësi

24/12/2024 Institucionet

Nën kryesimin e Gentiana Mazrekajt – Koordinatore e Këshillit Komunal për Siguri në Bashkësi u mbajt mbledhja e IV-të e Këshillit Komunal për Siguri në Bashkësi në komunën e Deçanit.

Të pranishëm ishin shumica e anëtarëve të KKSB-së, monitorues nga OSBE-ja dhe përfaqësues nga KFOR-i, ku pikat e rendit të ditës të cilat u diskutuan ishin Vlerësimi mbi çështjen e sigurisë në Komunën e Deçanit, (informatë nga Policia e Kosovës), Marrja e masave për mënyrën e parandalimit të përdorimit të mjeteve piroteknike gjatë festave të fundvitit dhe të të ndryshme.

Rreth sigurisë në komunën foli Rreshter Fekë Haklaj, mbikëqyrës i ekipit të hetimeve në Stacionin Policor në Deçan, ku tha se në përgjithësi gjendja në Komunën e Deçanit është e qetë dhe stabile, këtë vit kemi rritje të rasteve të dhunës në familje dhe zvogëlim të vjedhjeve. Policia gjithashtu apeloi për kujdes gjatë përdorimit të mjeteve piroteknike nga qytetarët gjatë festave të fund vitit.

Sa i përket pikës së tretë: Marrja e masave për mënyrën e parandalimit të përdorimit të mjeteve piroteknike, u vendos që Drejtoria për Mbrojtje, Shpëtim dhe Shërbime Publike në bashkëpunim me Policinë dhe Drejtorinë për Inspekcion të bëjnë kontrollin e pikave të shitjes dhe të sigurohen se të gjithë shitësit janë të pajisur me leje për shitje.

Tek pika e fundit u miratua Draft Plani Vjetor i Këshillit Komunal të Sigurisë në Bashkësi për vitin 2025.

Pas bisedave dhe diskutimeve në mes të anëtarëve të Këshillit, arritëm në përfundim se çështja e sigurisë në komunën e Deçanit gjatë vitit 2024 në përgjithësi ishte e qetë dhe stabile.

Kontrolloni gjithashtu

Drejtoria për Bujqësi  e Vitisë njofton fermerët për aplikim në Programin e pagesave direkte për vitin 2025

Drejtoria për Bujqësi, Pylltari dhe Zhvillim Rural (DBPZHR) në Viti njofton të gjithë fermerët e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara