leoni

U mbajt mbledhja e parë e Këshillit Komunal për Siguri në Bashkësi në Viti

14/02/2023 Institucionet

Këshilli Komunal për Siguri në Bashkësi (KKSB), në Viti, ka mbajtur mbledhjen e parë të rregullt për këtë vit. Në këtë mbledhje fillimisht është shqyrtuar dhe votuar me shumicë votash Plani i punës së KKSB-së për vitin 2023 dhe gjendja e sigurisë në komunën e Vitisë është cilësuar e qetë dhe stabile. Kryetari i komunës Sokol Haliti, ka thënë se një pjesë e madhe e temave që janë ngritur në Këshillin Komunal për Siguri në Bashkësi janë trajtuar. Ai, po ashtu i ka njoftuar të pranishmit rreth zhvillimeve të gjithëmbarshme në komunën e Vitisë, e në veçanti rreth grantit të performancës, ku komuna e Vitisë është njëra ndër pesë komunat përfituese të këtij granti. Kryetari Haliti i ka falënderuar anëtarët e KKSB-së për bashkëpunimin e vazhdueshëm, në trajtimin e temave të ndryshme që kanë të bëjnë më sigurinë e përgjithshme. Ndërkaq, komandanti i stacionit policor në Viti, kapiten Afrim Halili, ka theksuar se gjendja e sigurisë në komunën e Vitisë është e qetë dhe me një stabilitet të përgjithshëm pa incidente serioze. Ai tha se, në bazë të analizave të raporteve shihet që në vitin 2022, ka pasur përmirësim të situatës kur bëhet fjalë për vrasjet dhe aksidentet me fatalitet, por shqetësuese mbeten rastet e vjedhjeve, përdorimit të narkotikëve dhe dhuna në familje. Ndërsa, gjithsej në komunën e Vitisë kanë qenë 516 raste, si dhe janë shqiptuar rreth 7000 gjoba. Po ashtu, në këtë takim edhe anëtarët e këtij këshilli kanë ngritur çështje të ndryshme dhe sugjerime, që kanë të bëjnë me sigurinë e përgjithshme.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara