U mbajt mbledhja e pestë e rregullt e Komitetit për Politikë e Financa

21/06/2021 Institucionet

Komiteti për Politik dhe Financa (KPF), ka mbajtur mbledhjen e pestë të rregullt për këtë viti. Në fillim të këtij takimi kryesuesi i kuvendit komunal të Vitisë, Naim Pira, i ka njoftuar anëtarët mbi vlerësimet e akteve të fundit të nxjerrë nga Kuvendit Komunal dhe të vlerësuar nga Departamenti ligjor i Ministrisë së Administrimit. Po ashtu u bë e ditur edhe për situatën aktuale me pandeminë në komunën e Vitisë, ku aktualisht në këtë komunë nuk ka asnjë rast pozitive e as raste aktive. Gjatë këtij takimi me theks të veçantë është diskutuar mbi Kornizën afatmesme buxhetore (KAB), të Komunës së Vitisë për vitet 2022-2024. Me këtë rast Drejtori për Ekonomi, Financa dhe Zhvillim, Ibrahim Rama, i ka njoftuar anëtarët e këtij komiteti mbi punën që është bërë në hartimin e kësaj kornize dhe planifikimit të shpenzimit në kategoritë e ndryshme ekonomike. Sipas këtij dokumenti financiar bëhet me dije se buxheti komunal i Vitisë për vitin 2021 do të shënoj rritje dhe atë prej 12.490,868€ në 13,069,494€. Rritje e buxhetit komunal të Vitisë parashihet të këtë sipas këtij dokumenti deri në vitin 2024. Kurse anëtarët e këtij komiteti kanë paraqitur mendimet e tyre mbi ndarjen buxhetore në kategoritë e ndryshme ekonomike. Në këtë mbledhje, janë shqyrtuar dhe votuar edhe këto pika të cilat do të procedohen për seancën e Kuvendit: Propozim për shqyrtimin dhe miratimin e ndryshim-plotësim të rregullores për organizimin dhe bashkëpunimin e Komunës me fshatrat, vendbanimet dhe lagjet urbane të Komunës së Vitisë. Propozim për shqyrtimin dhe miratimin e propozim vendimit për mbështetje financiare për shpenzimet e strehimores Liria Gjilan për një periudhe trevjeçare 2021-2022-2023, si dhe propozim për shqyrtimin dhe miratimin e propozim vendimit për themelimin e grupit punues për hartimin e planit vjetor të punës së Kuvendit të Komunës së Vitisë për vitin 2022.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara