Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Udhëhequr nga kryesuesi i komunës së Rahovecit, Arbër Zenuni, u mbajt seanca e tetë e rregullt për vitin 2023. Të pranishëm në seancë përveç kuvendarëve, si zakonisht ishin edhe Kryetari i Komunës, Smajl Latifi, nënkryetari Fatmir Iska, drejtorët e drejtorive komunale, mediat që monitorojnë seancën, përfaqësuesit e KDI-së, përfaqësuesit e KFOR-it, LMT-së dhe OSBE-së. Si çdo herë fillimi i seancës u karakterizua me pyetje të kuvendarëve për kryetarin e komunës, respektivisht ekzekutivin. Pyetjet ishin rreth:
▪ Ligjit për faljen e borxheve mbi tatimin në pronë;
▪ Mosvijimit të semimaturantëve në shkolla të mesme;
▪ Kompenzimit dhe vlerësimit të dëmeve të shkaktuara në bujqësi;
▪ Furnizimi i qerdheve me inventar;
▪ Dëgjimet buxhetore të zbehta;
▪ Çështja e furnizimit të librave për nxënës – lehtësimi i procedurave nga DKA-ja.
▪ Vëzhgimi i punimeve të efiçiensës së energjisë;
▪ Rrethrrotullimet në Komunën e Rahovecit- (Rahovec, Xërxë, Krushë, Ratkoc)
▪ Mbarëvajtja e festivalit të rrushit “Hardh-Fest”
▪ Kapaciteti i barnave esenciale dhe mungesa e mjekëve pediatër;
▪ Rreth vendimit të Ministrisë për çështjen e infuzioneve, që sipas tyre lejohen të merren vetëm në ordinanca private;
▪ Mungesa e një terreni sportiv në shkollën fillore të mesme të ulët në Hoçë të Vogël;
▪ Praktikantën e pranuar në partneritet publiko-privat;
▪ Dëgjimet buxhetore të parapara nga Komiteti për Politikë dhe Financa;
▪ Rruga “Vëllezërit Frashëri” – Problemet me kanalizim dhe çështja e mungesës së pronës për vendosjen e trafos elektrike.
▪ Punimi dhe harrnimi i rrugëve – Ndiçimi publik nëpër lagje specifike;
▪ Pritja e Planit Zhvillimor Komunal – Çështja e ridestinimit të pronave.
Në të gjitha pyetjet e parashtruara, anëtarët e kuvendit morën përgjigje të strukturuara dhe konkrete nga kryetari i komunës – ekzekutivi.
RENDI I DITËS me 12 pika, ishte ky:
-
Shqyrtimi dhe miratimi i procesverbalit nga mbledhja e kaluar;
-
Shqyrtimi dhe miratimi i procesverbaleve të mbledhjeve të jashtëzakonshme, datë 12.07.2023 dhe 17.07.2023;
-
Pyetjet dhe përgjigjet në pyetjet e kuvendarëve;
-
Shqyrtimi dhe miratimi i propozim-vendimit për dhënien e pëlqimit për këmbimin e pronës publike P-02302-0, zona kadastrale Rahovec, me pronën institucioneve qendrore P- 02240-1, zona kadastrale Rahovec, për interes publik;
-
Shqyrtimi dhe miratimi i propozim-vendimit për dhënien e pëlqimit për këmbimin e pronës publike P-05537-1, zona kadastrale Rahovec, me pronën private P-05539-0, zona kadastrale Rahovec, për interes publik;
-
Shqyrtimi dhe miratimi i propozim-vendimit për dhënien e pëlqimit për këmbimin e pronës publike P-01505-0, zona Kadastrale Retijë, me pronën e institucionit qendror P- 00050-0, zona kadastrale Opterushë, për interes publik;
-
Shqyrtimi dhe miratimi i propozim-vendimit për dhënien e pëlqimit për këmbimin e pronës publike P-01505-0, zona Kadastrale Retijë, me pronën e institucionit qendror P-01987-0, zona kadastrale Opterushë, për interes publik;
-
Shqyrtimi dhe miratimi i propozim-vendimit për dhënien e pëlqimit për këmbimin e pronave publike P-01313-1, P01313-2, P01313-4, P-01313-5, zona kadastrale Rahovec, me pronën private P- 01313-3, zona kadastrale Rahovec, për interes publik;
-
Shqyrtimi dhe miratimi i propozim-vendimit për dhënien e pëlqimit për këmbimin e pronës publike P-01015-1, zona kadastrale Xërxë, me pronën private P-01015-12, zona kadastrale Xerxe, për interes publik;
-
Shqyrtimi dhe miratimi i vendimit për faljen e borxhit mbi tatimin në pronë:
-
Shqyrtimi i Planit të veprimit për zbatimin e Rekomandimeve të ZKA-së, për vitin 2022;
-
Shqyrtimi dhe miratimi i Planit të Veprimit për Përfshirjen e Komunitetit Rom dhe Ashkali 2023-2025;
