U MBAJT TESTI I ARRITSHMËRISË PËR KLASAT E NËNTA

18/05/2018 Institucionet

Ministri i Arsimit, Shkencës dhe Teknologjisë, Shyqiri Bytyri, me rastin e mbajtjes së Testit të Arritshmërisë, vizitoi Shkollën fillore “Elena Gjika” në Prishtinë. Testit të Arritshmërisë i janë nënshtruar rreth 27 mijë nxënës në të gjithë Kosovën, të cilët kanë filluar testimin në orën 10:00. Ministri i Arsimit, Shyqyri Bytyqi, ka përgëzuar Divizionin për Vlerësim, Standarde dhe Monitorim dhe Drejtoritë Komunale të Arsimit për përgatitjet e duhura që nxënësit t’i nënshtrohen Testit të Arritshmërisë, i cili ndër të tjera ka për qëllim verifikimin e gjendjes në arsim. “Qëllimi i matjes së arritshmërisë nuk ka të bëjë vetëm me matjen e arritshmërisë, por edhe me verifikimin e gjendjes dhe marrjen e masave për të ngritur cilësinë. Përgatitjet kanë shkuar mirë. Jemi të interesuar që rezultatet të jenë reale. Të gjithë jemi të interesuar që në klasat tona mësimdhënësi të shtojë përgjegjësinë sepse mësimdhënësi nuk është vetëm  një i punësuar, por përtej kësaj”, ka thënë ministri Bytyqi. Ndërsa, drejtori i Drejtorisë Komunale të Arsimit në Prishtinë, Jonuz Salihaj ka thënë se është shumë i rëndësishëm vlerësimi i jashtëm për nxënësit e klasave të nënta dhe se pret rezultate të mira në fund të këtij procesi. Testi i Arritshmërisë është organizuar në 108 qendra testimi dhe ka për qëllim orientimin e nxënësve për shkollimin e mëtejmë. Testi i Arritshmërisë përmban 100 pyetje nga lëndët gjuhë shqipe, matematikë, gjuhë angleze, kimi, fizikë, gjeografi, histori, informatikë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara