U mbajtën shumë aktivitete kulturore në vigjilje të shënimit të 16 Qershorit

16/06/2017 Institucionet

Në vigjilje të shënimit të 16 Qershorit, Ditës së Çlirimit dhe Ditës së Dëshmorëve të Komunës së Malishevës, janë mbajtur dhe po mbahen shumë aktivitete kulturore dhe sportive, e që të gjitha lidhen me festën e 16 Qershorit. Janë mbajtur orë letrare, ekspozita, shfaqje, si dhe janë prezantuar fituesit e konkurseve në krijimtari letrare, pikturë dhe muzikë. Këto aktivitete, kanë qenë të planifikuara dhe janë mbajtur, duke filluar me një program për fëmijë, për të vazhduar me hapjen e ekspozitës artistike dhe publikimin e rezultateve të konkursit në lëmin e pikturës, pastaj një ore e madhe letrare dhe publikim i rezultateve të konkursit në fushën e krijimeve letrare, ndërsa aktivitetet e ditës së enjte, përfundojnë me finalen në turnir të futbollit të vogël dhe sportet tjera.

Në shumicën e këtyre aktivitete ka marrë pjesë edhe Kryetari i Komunës së Malishevës, Ragip Begaj, i cili edhe i ka falënderuar të gjithë pjesëmarrësit në këto aktivitete.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara