U miratua rregullorja për taksa, ngarkesa dhe gjoba komunale për vitin 2017

30/11/2016 Institucionet

Kuvendi i Komunës së Malishevës, drejtuar nga kryesuesi Aziz Thaçi, ka mbajtur mbledhjen e dymbëdhjetë të rregullt për këtë vit, ku në mes tjerash, ka miratuar rregulloren për taksa, ngarkesa dhe gjoba komunale për vitin 2017. Kuvendi i Komunës së Malishevës, gjithashtu ka shqyrtuar dhe miratuar edhe çështje tjera.

Rregulloren e re për taksa, ngarkesa dhe gjoba komunale, para anëtarëve të kuvendit e ka paraqitur drejtori për buxhet dhe financa, Vesel Krasniqi, ndërsa kuvendi, me shumicë të votave, e ka miratuara rregulloren për vitin 2017.

Po ashtu kuvendi në këtë mbledhje, ka formuar edhe një komisionin të kuvendit, për hartimin e punës së Kuvendit të Komunës, për vitin 2017.

Pikë tjetër me rëndësi, ishte edhe informimi për punën e Drejtorisë së Urbanizimit, për vitin 2016, informim të cilin e bëri drejtori i drejtorisë, Ahmet Morina. Përveç informimit për punët e kryera gjatë këtij viti, drejtori Morina, është përgjigjur edhe në pyetjet e anëtarëve të kuvendit, për projekte të caktuara.

Pas kësaj, Kuvendi i Komunës së Malishevës, në këtë mbledhje, pas shqyrtimit, ka bërë plotësimin e komitetit për Politikë dhe Financa, me anëtarë të rinj.

Kuvendi i Komunës së Malishevës, në mbledhjen e dymbëdhjetë të radhës, ka formuar edhe një komision për shqyrtimin e ankesave të qytetarëve, lidhur me emërtimin e rrugëve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara