U nënshkrua Memorandumi i Mirëkuptimit për mirëmbajtjen e Zonave të rehabilituara

11/07/2018 Institucionet

Kryetari i Komunës së Suharekës Bali Muharremaj dhe Ministrja e Mjedisit dhe Planifikimit Hapsinor Albena Reshitaj, kanë nënshkruar Memorandumin e Mirëkuptimit për mirëmbajtjen e Zonave të rehabilituara nga Projekti JICA Follow Up i cili është i bazuar në kursin e trajnimit të JICA “Promovimi i Iniciativës SATOYAMA – Konservimi i Biodiversitetit dhe Zhvillimi Rural përmes Menaxhimit të Qëndrueshëm të Burimeve Natyrore”. Pas nënshkrimit Ministrja e Mjedisit dhe Planifikimit Hapsinor Albena Reshitaj, është shprehur: “Kjo që nënshkruam ne sot është për të mirën e jetës së qytetarëve të komunës së Suharekës, për të rriturit dhe normalisht për të prekur pikat shumë të rëndësishme të cilat ndikojnë drejtpërdrejtë në shëndet dhe mirëqenien”. Ndërsa kryetari Muharremaj ka numëruar projektet që po ndihmohen nga Ministria e Mjedisit dhe Planifikimit Hapësinor, për çka i jemi mirënjohës kësaj ministrie dhe kësisoj ne po i përmbushim premtimet që kemi dhënë para qytetarëve se do të kemi një Komunë më të pastër në vend, më të bukur dhe një ambient që do të na kanë lakmi të gjithë. Sipas memorandumit të nënshkruar do të sigurohet mirëmbajtja e parkut nga Komuna e Suharekës, veçanërisht në drejtim të menaxhimit të mbeturinave në dy lokacione dhe mirëmbajtjen e dritave diellore dhe shenjave turistike.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara