Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizuar nga Parlamenti Studentor i Universitetit të Prishtinës “Hasan Prishtina”, sot në bibliotekën kombëtare dhe universitare është përkujtuar jeta dhe vepra e e profesorit dhe rektorit të “Universitetit të Prishtinës”, Ejup Statovci. Duke folur për jetën dhe vlerat e rektorit, Ejup Statovci, prorektorja, Luljeta Badivuku theksoi se personalitete si rektori Statovci janë nga ato që historia ruan faqe të veçantë nderi për to. Të gjithë ata që e njohëm, ai paraqiste figurën e një intelektuali e ishte pranë universitetit, popullit dhe studenteve, duke iu prirë ndryshimeve më të nevojshme e pozitive në vend, në kohërat më të vështira. Ndërkohë, profesori Avdullah Aliu, theksoi se profesor Statovci në mënyrë të shkëlqyeshme hyri në botën e ndërlikuar të drejtësisë, adhuronte botën shkencore dhe kontribuoi shumë në afirmimin e kuadrove të reja. Ai u angazhua edhe në aktivitete që kishin për qëllim barazinë dhe lirinë dhe pavarësinë e Kosovës.
