U përkujtuan dëshmorët e Komunës së Malishevës, të rënë më 19 Korrik 1998

20/07/2019 Institucionet

Janë përkujtuar dëshmorët e Komunës së Malishevës, të rënë më 19 korrik, në Betejën e Rahovecit, Sadik Shala, Hamdi Berisha, Liman Gegaj, Afrim Krasniqi dhe Habib Berisha. Në nderim të dëshmorëve, janë bërë homazhe në varrezat e dëshmorëve në Malishevë, në vendet e rënies së tyre dhe tek lapidari në Rahovec. Në homazhe dhe nderime, krahas familjarëve, morën pjesë edhe Kryetari i Komunës së Malishevës, Ragip Begaj, nënkryetari Hajdin Berisha, kryetari i degës së OVL të UÇK-së në Malishevë, Metush Kryeziu, kryetari i Familjeve të Dëshmorëve në Malishevë, Sinan Gegaj, deputeti i Kuvendit të Kosovës, Nait Hasani, përfaqësues të subjekteve politike, bashkëluftëtarë të shumtë dhe qytetarët të tjerë. Në këto nderime, janë mbajtur edhe fjalime rasti, ku janë evokuar kujtime të betejave në të cilat kanë marrë pjesë dhe kanë treguar heroizmin e tyre dëshmorët, e sidomos në “Betejën e Rahovecit”, ku të gjitha këta dëshmorë, kanë rënë në vijën e parë të frontit, pa u tërhequr nga luftimet dhe në mbrojtje të popullatës civile të Rahovecit dhe fshatrave përreth.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara