Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fusha e re e futbollit afër palestrës së sporteve në Ferizaj, e ndërtuar viteve të fundit nga fonde të Bashkimit Evropian, u përurua të martën në një ceremoni rasti, në të cilën morën pjesë përfaqësues të Zyrës së BE-së në Kosovë, të MKRS dhe të Komunës së Ferizajt.
Fusha është ndërtuar sipas standardeve të Federatës ndërkombëtare dhe asaj evropiane të futbollit dhe e pajisur me objektin për zhveshtore, nyja sanitare etj.
Kreu i zyrës së BE-së për bashkëpunim në Kosovë, Kristof Shtok, tha me këtë rast se kjo është fusha e pestë që po ndërtohet në Kosovë nga fonde të BE-së, dhe shprehu besimin se investimet e tilla do të ndikojnë jo vetëm në cilësinë e kushteve të punës së sportistëve, por edhe në inkurajimin e tyre për t’u marrë më aktivisht me sporte.
Kryetari i Ferizajt, Muharrem Svarqa, falënderoi Zyrën e BE-së për këtë investim dhe shtoi se ëndrrat e kosovarëve, e sidomos të ferizajasve të rinj për të ardhmen, janë ëndrra të një qytetari evropian, jo vetëm si gjeografi, por edhe si mendësi dhe kualitet. Por, ai porositi që të rinjtë e Ferizajt dhe të Kosovës ta ndërtojnë këtu të ardhmen e tyre.
Të pranishmit i përshëndeti edhe drejtori i Departamentit të sportit në MKRS Ibër Alaj, i cili shprehu besimin se ky investim dhe investimet e ngjashme, do t’i japin frytet e veta.
Nga zyrtarë të zyrës së BE-së u bë e ditur se në të ardhmen e afërt do të ndërtohen edhe tribunat rreth fushës, në mënyrë që ajo të shndërrohet në një stadium futbolli
