U përurua ndriçimi publik në Drenoc, investim i KFOR-it dhe Komunës së Malishevës

22/10/2020 Institucionet

Sot në fshatin Drenoc, përkatësisht në rrugën “Asllan Laci”, është përuruar rregullimi i ndriçimit publik, investim i përbashkët i Komunës së Malishevës dhe KFOR-it, përkatësisht Komandës së Regjionit të Perëndimit. Në ceremoninë e përurimit morën pjesë, Kryetari i Komunës së Malishevës, Ragip Begaj dhe komandanti i Komandës së Regjionit të Perëndimit të KFOR-it, kolonel Gianluca Figus. “Ky projekt është me shumë rëndësi për ne, pasi ndihmon në lëvizjen e lirë gjatë natës dhe në sigurinë e qytetarëve në këtë pjesë, dhe KFOR-i na ka ndihmuar në zgjerimin e rrjetit të ndriçimit në vendbanimin më të madh në Malishevë”, tha kryetari i Komunës së Malishevës, Ragip Begaj, duke e falënderuar KFOR-in italian për këtë mbështetje dhe për përkrahjen e vazhdueshme për Malishevën. Ndërsa komandanti i Komandës Regjionale të Perëndimit të KFOR-it, koloneli Gianluca Figus, tha se “ky projekt ka rëndësi të madhe për dy arsye, e para sepse është bërë në bashkëpunim me komunën dhe e dyta sepse fshati i ngjanë shumë me vendin prej nga vjen”, ai më pas e falënderoi kryetarin Begaj për bashkëpunimin e mirë, dhe tha se bashkëpunimi do të vazhdoj me Malishevën. Përndryshe në këtë rrugë, apo në këtë pjesë të fshatit Drenoc, janë vendosur 50 drita, ku 25 drita i ka investuar KFOR-i dhe 25 drita Komuna e Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara