U përurua punëtoria për paketimin e sheqerit

09/04/2016 Institucionet

Persona me aftësi të kufizuar nga Ferizaj,  të prirë nga shoqata “Handicap Kosova”, përuruan të shtunën punëtorinë për paketimin e sheqerit, një investim ky i shoqatës dhe Komunës së Ferizajt, që ka arritur të punësojë disa veta. Përurimit iu bashkuan Ministri i Punës dhe Mirëqenies Sociale Arban Abrashi, kryetari i Ferizajt Muharrem Svarqa, deputeti Milazim Haliti e të tjerë.

 Ylber Selmani nga “Handicap Kosova”, vuri në dukje se kjo është një nismë që tregon se me ide të mira dhe me mbështetje adekuate, personat me aftësi të kufizuara nuk kanë nevojë të jenë barrë e askujt, por ata mund të punojnë për të krijuar mirëqenie për veten e tyre, por edhe për familjet.

Ministri Abrashi tha se nisma e personave me aftësi të kufizuara nga Ferizaj, përbën një model që duhet përhapur sa më shumë edhe në qendra të tjera të Kosovës. Ai u angazhua që pushteti të marrë obligime në raport me personat me aftësi të kufizuara, duke zbatuar disa programe, si subvencionimi i pagave. Ministri Abrashi përmendi mundësinë që nga viti i ardhshëm në buxhetet e komunave të futet granti për shërbime sociale, i cili do ta përmirësonte  mundësinë e plotësimit të nevojave të PAK.

Ndërsa kryetari Svarqa, tregoi mbështetjen që po u jep pushteti lokal personave me aftësi të kufizuar. Veç investimit prej 7 mijë euro në punëtorinë e përuruar, Svarqa foli edhe për përshtatjen e trotuareve për nevojat e PAK, ashensorin e ndërtuar në fund të vitit të kaluar në ndërtesën e Komunës etj.

Në përurimin e punëtorisë së paketimit të sheqerit, e cila vepron në objektin e njohur si ‘

,,Shtëpia e Bardhë’, u tha se do të ketë edhe investime të tjera të këtij lloji.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara