U PËRURUA RRUGA BARE (MITROVICË)-GUMNISHTË (VUSHTRRI)

30/07/2018 Institucionet

Ministri i Infrastrukturës Pal Lekaj, i shoqëruar nga kryetari i Mitrovicës Agim Bahtiri dhe ai i Vushtrrisë, Xhafer Tahiri, kanë përuruar rrugën Bare-Gumnishtë, rrugë kjo që e lidhë Mitrovicën me Vushtrrinë dhe që i jep perspektivë zhvillimit të turizmit të Shalës së Bajgores. Ministri Lekaj, duke i falënderuar dy kryetarët e komunave të Mitrovicës dhe Vushtrrisë, tha se ky projekt është një ndër projektet e shumta që Ministria e Infrastrukturës po i zhvillon në shërbim të qytetarëve, zhvillimit ekonomik dhe zhvillimit të turizmit të kësaj ane. Lekaj Po ashtu tha se ky projekt ka rëndësi që qytetarët e kësaj ane të mos shpërngulen nga kjo zonë dhe ta zhvillojnë turizmin në vendin e tyre. Kryetari Bahtiri e ka falënderuar ministrin Lekaj për mbështetjen e shumë projekteve të komunave të Kosovës dhe e ka vlerësuar si tejet të rëndësishëm këtë rrugë, e cila i lidhë dy qytetet. Kurse edhe kryetari Tahiri tha se ky projekt do të kthej gjallërinë në këtë pjesë të bukur të Kosovës, Shalës së Bajgores dhe për këtë projekt meritori kryesor është ministri Lekaj, i cili po i jep rëndësi kësaj zone. Kryetari Tahiri ka ndarë shqetësimin e dy komunave, lidhur me zgjerimin e rrugës në Vushtrri, ndërsa ministri Lekaj i ka siguruar dy kryetarët se tashmë janë kontraktuar tri kompani dhe se së shpejti do të gjendet zgjidhja dhe punimet do të vazhdojnë sipas projektit dhe planit të paraparë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara