U publikua tenderi për ujësjellësin e Bibajt dhe Fshatit të Vjetër

11/06/2016 Institucionet

 Të premten është publikuar tenderi për ndërtimin e ujësjellësit për fshatrat Bibaj dhe Fshati  i Vjetër të komunës së Ferizajt, një nga projektet më të rëndësishme, realizimi i të cilit pritet  t’i plotësojë kërkesat e kamotshme të këtyre dy fshatrave për ujë të pijshëm.

Vlera e parashikuar e kontratës është 1.8 milionë euro, ndërsa gjatësia e tubacionit – rreth 33 mijë metra. Në tender parashihet edhe ndërtimi i dy stacioneve të pompimit.

Bëhet e ditur se në fazën e parë Bibajt dhe Fshati i Vjetër do të furnizohen me ujë nga ujësjellësi i qytetit, derisa të bëhet gati fabrika që pritet të ndërtohet afër Talinocit të Muhaxherëve, e cila do të përpunojë rreth 80 litra ujë në sekondë dhe do të ofrojë furnizim me ujë pjesën e qytetit dhe për fshatrat e pjesës lindore të Ferizajt, të cilat ende nuk e kanë zgjidhur çështjen e ujit të pijes.

Me realizimin e këtij projekti, bëhet thellimi i bashkëpunimit të Komunës së Ferizajt me Qeverinë e Zvicrës, si donatori kryesor për çështjen e ujit të pijes në Ferizaj e rrethinë. Edhe kësaj radhe, zbatues i projektit është organizata CDI.

Udhëheqja komunale e Ferizajt tha se do ta mbështesë me të gjitha mundësitë realizimin e projektit të ujësjellësit për Bibajt dhe Fshatin e Vjetër, si dhe realizimin e projekteve të tjera për fshatrat që ende nuk e kanë zgjidhur çështjen e furnizimit me ujë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara