Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Se Mitrovica Veriore është fare e pasigurt për qytetarët jo serb, u vërtetua edhe ditë më parë, kur u sulmua barbarisht në banesën e tij , minatori Faik Husoviq nga Peshteri, i cili me dhjetëra vite punoi në minierat e Trepçës. Faik Husoviq, nga fshati Zhitniqë, Rrafshnalta e Peshterit, minator në Trepçë, kohë pas kohe jetoi në Mitrovicën e Veriut ku jetonte në një banesë me qira. Herën fundit nga shtëpia e tij në Zhitniqë të Peshterit, është larguar për të shkuar në Mitrovicë, më 9 tetor 2016, me qëllim të rregullimit të dokumentacionit pensional në ndërmarrjen ku kishte punuar. Në natën ndërmjet 12 dhe 13 tetor të viti 2016, është rrahur në banesën e huazuar në Mitrovicën veriore, me këtë rast i është shkaktuar lëndime të rënda trupore nga deri më tani njerëz të panjohur. Nga 13 tetori deri më 18 tetor ishte i sistemuar në shtëpinë e shëndetit në Mitrovicën veriore, nga është transferuar në qendrën Urgjente në Beograd, ku është ende duke u shëruar.
Siç shkruan Sanxhakress, deputeti në Parlamentin serb nga Sanxhaku Pro. Dr. Jahja Ferhatoviq ka vizituar Faikun në spitalin e Beogradit, me këtë rast është njoftuar personalisht me personin e lënduar, rrahur nga persona të panjohur. Për portali Sanxhakpress, Ferhatoviq deklaron; “ Personalisht e kam vizituar Husoviqin, dhe jam njoftuar për gjendjen e vështirë shëndetësore të tij. Posaçërisht është problematike nofulla e poshtme cila i është thyer në disa vende, kështu që i lënduari duhet me iu nënshtrua intervenimit kirurgjik. Për dallim nga tretmani shumë i keq, deri sa ishte në Mitrovicën veriore, pacienti është ekzaminuar në Qendrën Kirurgjike në Beograd dhe është nën përkujdesje të nivelit të lartë. Deri sa ishte në Mitrovicë pacienti nuk iu kishte lejuar ta kontaktoj familjen e tij., për pesë ditë të tëra. Djemve të Faikut nga policia e Serbisë iu është thënë nuk kanë mundësi të ndërmarrin diçka në lidhje me gjetjen e autorit të sulmit, sepse ngjarja ka ndodhur në një vend ku ata nuk kanë qasje,”. Ferhatoviq, e ngriti këtë çështje pikërisht sepse bëhet fjalë për bashkëvendësin e tij të nacionalitetit boshnjak, “ i cili është sulmuar në pjesën e banuar me shumicë serbe edhe atë në zonën e ndjeshme të interesave serbo-shqiptare”. “Që mos të krijohen konotacione negative, kërkojmë sa më shpejt të zbulohen autorët e kësaj ngjarje e padëshirueshme” përfundon Jahja Ferhatoviq.
Burimi : sandzakpress.net. (Ismet Azizi)
