Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizuar nga Klubi Letrar “Xhevdet Bajraj” dhe ndihmuar nga Drejtoria për Kulturë, Rini dhe Sport e komunës së Rahovecit, u shënua dyvjetori i vdekjes së poetit Xhevdet Bajraj, pikërisht në një vend historik, siç është “Maja e Shkodranit”. Xhevdet Bajraj është vlerë e shtuar për komunën e Rahovecit. Poezia e tij e fuqishme mblodhi artistë e krijues letrar nga shumë vise shqiptare. I pranishëm ishte edhe kryetari i komunës së Rahovecit Smajl Latifi, I cili me këtë tha se ndjehem i nderuar që pata kënaqësinë të marr pjesë në këtë aktivitet kulturor, pasi që kisha nderin të takohem me artistë e krijues letrar nga shumë vise shqiptare. Kjo flet për përmasën kombëtare të poezisë së Xhevdetit, i cili e deshi dhe e vlerësoi shumë Rahovecin dhe njerëzit e këtij vendi. Klubi Letrar “XHEVDET BAJRAJ”, do të jetë i mbështetur në vazhdimësi në organizimet e radhës, sepse njerëzit kanë nevojë ta përmbushin jetën e tyre shpirtërore.
