U VU GURTHEMELI I SHKOLLËS NË PANORC TË MALISHEVËS

07/11/2018 Institucionet

Ministri i Arsimit, Shkencës dhe Teknologjisë, Shyqiri Bytyqi dhe kryetari i Komunës së Malishevës, Ragip Begaj, kanë vënë gurthemelin e shkollës në fshatin Panorc të Malishevës. Me këtë rast, ministri Bytyqi ka uruar nxënësit, mësimdhënësit dhe prindërit për fillimin e ndërtimit të kësaj shkolle të re, njëherësh ka përgëzuar kryetarin e Komunës së Malishevës për faktin se i ka dhënë prioritet arsimit, duke bërë investime në ndërtimin e shkollave të reja. “Deri më tani Komuna e Malishevës ka bërë atë që pothuajse nuk e ka bërë asnjë komunë. Për një periudhë kaq të shkurtë të ndërtohen 15 shkolla është vërtetë për një falënderim të madh”, tha ministri Bytyqi dhe theksoi se kryetari do të ketë mbështetjen e vazhdueshme të MAShT për të ngritur cilësinë në shkollat e Malishevës. “Konsideroj se tashmë i kemi përgjegjësitë e ndara. Komuna po e kryen punën e vet. Ne si Ministri jemi të obliguar t’i kryejmë përgjegjësitë tona dhe ju mbetet edhe juve, të nderuar mësimdhënës, që të kryeni detyrën tuaj të shenjtë dhe t’i përgatitni nxënësit dhe t’i edukoni siç duhet”, tha ministri Bytyqi. Ministri, po ashtu kërkoi përkrahjen e prindërve, pasi që tha se që edukimi të jetë në nivelin e duhur, ata kanë rol të rëndësishëm dhe i ftoi prindërit ta përkrahin menaxhmentin e shkollës dhe shkollën në përgjithësi në mënyrë që bashkarisht të ngrisim cilësinë në arsim. “Nëse të gjithë i kryejmë përgjegjësitë si duhet, nuk do të mungojë suksesi dhe do të sigurojmë të ardhme të mirë për fëmijët tanë”, tha në fund ministri Bytyqi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara