Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nga 27 Gushti deri më 4 Shtator, 10 shfaqje teatrore nga teatro të gjeografisë shqiptare u shfaqën para publikut fantastik ferizajas, në kuadër të edicionit të 53-të të Festivalit të Teatrove në Ferizaj. Në këtë festival me trupat e tyre teatrore, morën pjesë Teatri “Adriana” me shfaqjen “Gënjeshtari”, Qendra Multimedia në bashkëpunim me Teatrin Kombëtar Eksperimental “Kujtim Spahivogli” në Tiranë me shfaqjen “Gadjo”, Teatri “Oda” me shfaqjen “Arbri”, Artpolis me shfaqjen “Sober”, Teatri “Hadi Shehu” nga Gjakova me shfaqjen “Antigonat”, Teatri Shqiptar për fëmijë dhe të rinj në Shkup me shfaqjen “Krokodili”, Teatri Kombëtar i Kosovës me shfaqjen “Udhëtimi i gjatë drejt natës”, Teatri i Prizrenit me shfaqjen “Tatuazhi i trëndafilit”, shfaqja “Kërkohet bashkëshort i ri” nga Suhareka dhe Integra me shfaqjen jashtë konkurrence “Unë jam vetë grua”, gjersa pas çdo shfaqje, organizatorët kishin përgatitur edhe ndejat muzikore me artistë të mirënjohur si Shpat Deda, Daff N’Dudes, Shpend Hysaj, Zwada, Nita Latifi, Edona Reshitaj, Erëza Çerkini, Mentor Haziri, La Fazani e ku poashtu pjesë e Festivalit ishin edhe debatet mbi tema të ndryshme të fushës së Teatrit. Mbrëmë, në natën finale u shpallën edhe çmimet e festivalit, ku drejtorja e Kulturës, Xhemile Shabani ndau çmimin e shfaqjes më të mirë dhe njëkohësisht mbylli edicionin e sivjemë të Festivalit.
NDARJA E SHPËRBLIMEVE
Shfaqja më e mirë
Teatri Kombëtar i Kosovës me shfaqjen “UDHËTIMI I GJATË DREJT NATËS”
Regjia më e mirë
Ilir Bokshi me shfaqjen “GËNJESHTARI”
Aktorja më e mirë
Aurita Agushi me shfaqjen “TATUAZHI I TRËNDAFILIT”
Aktori më i mirë
Shkumbin Istrefi me shfaqjen “ARBRI”
Yll në ardhje
Zhaneta Xhemajli me shfaqjen “SOBER”
Çmimi Special
Butrint Pashta me shfaqjen “SOBER”
Aktorja më e mire ne rol dytësor
Arta Selimi me shfaqjen “UDHËTIMI I GJATË DREJT NATËS”
Aktori më i mirë në rol dytësor
Mumin Abdullahu me shfaqjen “KROKODILI”
Aktori më i mirë në rol Episodik
Arben Marevci “GËNJESHTARI”
Skenografia më e mirë
Bekim Korça me shfaqjen “GËNJESHTARI”
Kostumografia më e mirë
Njomza Luci me shfaqjen “GËNJESHTARI”
