UNDP vazhdon me mbështetjen për Mitrovicën

09/06/2016 Institucionet

Nënkryetari i komunës së Mitrovicës, Safet Kamberi, ka pritur zyrtarët e lartë të  UNDP-së, Petrit Skenderi si dhe Shqipe Neziri Vela, me të cilët ka biseduar për bashkëpunimin e ndërsjellët  në lidhje me hartimin  dhe zbatimin e Planit për Integritet i cili njihet edhe si plani kundër korrupsionit.

Në takim morën pjesë edhe  drejtori i Drejtorisë për Mbrojtjen dhe Mjedisit  në komunën e Mitrovicës, Saad Gashi , si dhe zyrtari i komunës Xhelal Shabani.

Të pranishmit biseduan rreth mundësisë së bashkëpunimit ne mes UNDP-së dhe komunës së Mitrovicës, e cila në mënyrë specifike deri më sot ka bashkëpunuar dhe ndihmuar komunat e Prishtinës, Gjakovës, Gjilanit, Graqanicës, dhe Mamushës.

Sipas Petrit Skënderi, ky plan i cili është implementuar deri më tani në këto komuna është obligim ligjor që rrjedh nga Strategjia Kundër Korrupsioni 2013-2017 i cili është miratuar nga Parlamenti i Kosovës.

“Ky plan specifikon kornizat kryesore që mund të përdoren për parandalimin e korrupsionit, për vendosjen e sistemit të integritetit në Komunë si dhe për ngritjen e transparencës për të qenë sa më afër qytetarëve” ka thënë Skenderi.

Nënkryetari Kamberi,  pasi i falënderoi zyrtarët e lartë të UNDP, për mbështetjen që UNDP i ka dhënë deri tash Mitrovicës, ai tha se është pro bashkëpunimit dhe se do ta shqyrtojmë së bashku planin e Anti-Korrupsionit, i cili është aprovuar në Kuvendin e Mitrovicës para tre muajsh.

Të pranishmit u pajtuan dhe kërkuan që këtë plan ta shikojnë ekspertet nga UNDP-ja.

Sipas Petrit Skenderit thuhet se UNDP do të vazhdoj bashkëpunimin me komunën  e Mitrovicës  dhe pritet që ky bashkëpunimi të jetë i ndërsjellët, në mënyrë që t’i identifikojmë fushat ku bashkëpunimi mund të jetë më i suksesshëm.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara