Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata ndërkombëtare për të drejtat e fëmijëve – UNICEF, ka tërhequr vërejtjen se disa fëmijë që po ikin nga lufta në Ukrainë, mund të bëhen viktima të trafikimit. Kjo organizatë ka alarmuar se fëmijët që ikin nga shtëpitë e tyre po përballen me një kërcënim të mëtejshëm nga trafikantët e qenieve njerëzore, të cilët shpesh kërkojnë të shfrytëzojnë kaosin e lëvizjeve të mëdha të popullsisë. “Lufta në Ukrainë po çon në zhvendosje masive dhe flukse refugjatësh – kushte që mund të çojnë në një rritje të konsiderueshme të trafikimit të qenieve njerëzore dhe një krizë akute të mbrojtjes së fëmijëve. Fëmijët e zhvendosur janë jashtëzakonisht të cenueshëm ndaj ndarjes nga familjet e tyre, shfrytëzimit dhe trafikimit. Ata kanë nevojë që qeveritë në rajon të marrin masa për t’i mbajtur ata të sigurt”, ka thënë Afshan Khan, Drejtori Rajonal i UNICEF-it për Evropën dhe Azinë Qendrore. Afër 500 të mitur të pashoqëruar u identifikuan duke kaluar nga Ukraina në Rumani nga 24 shkurt deri më 17 mars.
