Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Klinës z.Sokol Bashota, me rastin e festës së Pashkëve ju përcjell të gjithë besimtarëve shqiptarë të krishterë, katolikë, kudo ndodhen, urimet më të përzemërta për mbarësi, mirëqenie, gëzim e harmoni.
Kjo ditë e shenjtë në kalendarin e krishterë, për besimtarët katolikë sjellë harenë dhe solemnitetin e një kremtimi madhështor, ku vlerat njerëzore dhe hyjnore plotësojnë shpirtin, kur besimi tek ngadhënjimi i mirësisë ringjallet dhe rimishërohet në veprat e në sjelljen e gjithsecilit prej nesh.
Ne shqiptarët, pa dallim konfesioni, tradicionalisht gjatë gjithë historisë sonë të përbashkët e kemi ndarë së bashku gëzimin, ndaj edhe sot jemi pranë njëri-tjetri për të përjetuar atmosferën e mrekullueshme të Festës së Pashkëve e për t’i përcjellë njëri-tjetrit urimet më të mira e të sinqerta për paqe, mirëkuptim, begati, lumturi dhe për një të ardhme të sigurt e të ndritur për mbarë kombin shqiptar.
GËZUAR DHE PËR SHUMË MOTE! Thuhet në urimin e kryetarit Bashota.
