USAID në bashkëpunim me DKA-në në Rahovec, zhvillojë shkathtësi për punësim dhe ndërmarrësi tek të rinjtë

29/10/2019 Institucionet

Në Shkollën e Mesme të Lartë “Xhelal Hajda – Toni” në Rahovec ka filluar të zbatohet faza e parë e Programit për përkrahjen e adoleshentëve pas mësimit të rregullt (ASSET) i financuar nga USAID-i në bashkëpunim me DKA-në. ASSET-i është iniciativë e dizajnuar të zhvillojë shkathtësi për punësim dhe ndërmarrësi tek të rinjtë, duke krijuar botëkuptim pozitiv për të ardhmen e tyre. Motoja e ASSET-it është “Përgatitja e të rinjve të Kosovës për jetë dhe punë në shekullin 21”. Aktivitetet kryesore të ASSET-it janë:

– Themelimi i qendrave për karrierë dhe ndërmarrësi në shkolla;

– Përkrahja e edukimit për karrierë dhe ndërmarrësi;

– Lidhja e nxënësve me punëdhënës dhe komunitet.

Në fazën e parë të realizimit të këtij programi në SHML “Xhelal Hajda-Toni”, përkatësisht në 2 klasë të kësaj shkolle, po bëhet pajisja me inventar, e pastaj do të sillen edhe pajisje të sofistikuara, të cilat do të jenë në shërbim të nxënësve për zhvillimin e aftësive të tyre krijuese. Ky projekt realizohet pas marrëveshjes që është bërë me Qendrën për Arsim të Kosovës (KEC), më 23 Maj të këtij viti.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara