Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vjosa Osmani e LDK-së, ka reaguar ndaj deklaratës së nënkryetarit të partisë, Agim Veliu, i cili kritikoi Vetëvendosjen për qasjen rreth arritjes së marrëveshjes për bashkëqeverisje. Vjosa Osmani, ka thënë se në kohën kur u bënë përpjekje për shfuqizimin e Gjykatës Speciale, ishte Vetëvendosja që doli bashkë me LDK-në për “të mbrojtur shtetësinë, miqësitë dhe orientimin properëndimor të vendit”. “Miqësitë që LDK-ja ndërtoi me botën demokratike janë ato që përcaktuan orientimin strategjik te vendit tonë: orientim pro-perëndimor e euro-atlantik. Para rreth dy vitesh, partitë në pushtet, ato të koalicionit PAN, filluan nismën për shfuqizimin e gjykatës speciale, e cila nga partnerët tanë u quajt ‘thike pas shpine’, ‘rreziku më i madh në Kosovën e pasluftës’, ‘shkatërrim i miqësive’, e ‘shkelje e orientimi euro-atlantik’, deklaron Vjosa Osmani e LDK-së.
Vetëvendosja krekoset se nuk e ka votuar Gjykatën Speciale, por ka mbështetur LDK-në kundër përpjekjeve për shfuqizimin e saj nga ish-koalicionin PAN. Vjosa Osmani e LDK-së gjatë fushatës zgjedhore në Reçak kishte deklaruar se vetëm viktimat e Reçakut dhe viktimat e tjera ia kanë sjellë lirinë Kosovës. Kjo është mbase ndër të vetmet politikane të LDK-së, e cila në asnjë prononcim publik, asnjëherë nuk e ka përmendur UÇK-në, mbase edhe pikërisht për këtë qëndrim të saj kundër UÇK-së ka marrë një përkrahje aq të madhe nga kjo parti, e njohur edhe për faktin se përnjëherë pas luftës, në bashkëpunim me UNMIK-un kishte hartuar dosjet kundër luftëtarëve të lirisë, dosje me të cilat po shëbehet edhe Gjykata Speciale. (RKL)
