Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidatja për kryetare të Komunës së Mitrovicës nga radhët e Partisë Demokratike të Kosovës, Valdete Idrizi, është shprehur e bindur se më 22 tetor do ta marrë besimin e qytetarëve për ta qeverisur Mitrovicën. Ajo ka shprehur fuqishëm besimin e saj se do t’i mposhtë të gjithë kandidatët që janë në garën për të parin e Mitrovicës. Ajo ka thënë se qytetarët e Mitrovicës janë lodhur prej keqqeverisjes në këtë qytet dhe prej premtimeve megalomane. Idrizi ka thënë se si kryetare e ardhshme e Mitrovicës do ta ketë prioritet zhvillimin ekonomik, hapjen e vendeve të reja të punës, përkujdesjen e veçantë për sektorin e arsimit dhe atë të shëndetësisë. “Platforma ime qeverisëse është oferta më e mirë për qytetarët e Mitrovicës”, ka thënë Idrizi.
