Vazhdon gjendja e rënduar nga përmbytjet në Malishevë

09/11/2016 Institucionet

Dalja e lumit Mirusha nga shtrati, si dhe rrjedhave tjera të ujërave, ka bërë që situata të rëndohet nga përmbytjet. Disa rrugë që qojnë në fshatra janë bllokuar. Aktualisht mbeten të bllokuara rrugët që të qojnë në Turjakë, Panorc, Rud, Llapçevë dhe Bubël, pastaj rruga Malishevë-Duhël, Malishevë-Kijevë, Mirushë-Gurbardh, ndërsa pjesërisht është bllokuar fshati Lubizhdë.

Situata e rëndë vazhdon në Bellanicë, Banjë, Malishevë dhe vendbanimet tjera që shtrihen përgjatë lumit Mirusha, ndërsa prurjet e ujit duken shumë më të mëdha se të vërshimeve të janarit të këtij viti.

Po ashtu edhe liqeni në Mirushë, është i stërmbushur me ujë, më shumë se asnjëherë më parë.

Sot, deri në mesditë, janë evakuuar disa familje, si në Marali, Mirushë dhe në Malishevë.

Sipas drejtorisë për Mbrojtje dhe Shpëtim, të gjitha njësitë emergjente janë në terren dhe deri më tani nuk ka të lënduar si pasojë e përmbytjeve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara