Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një gjykim që po zhvillohet kundë, Slaxhan Trajkoviqit, i akuzuar për krime lufte gjatë periudhës së konfliktit në Kosovë (1998-1999), dy dëshmitarë kanë dhënë rrëfime tronditëse për veprimet e tij dhe të forcave serbe. Selimi rrëfeu një ngjarje nga 27 mars 1999, kur pretendon se Trajkoviq kishte ndaluar babanë dhe axhën e tij, duke i kërcënuar me armë dhe duke i çuar në shtëpinë e axhës së tij, e cila më vonë ishte djegur. Ai tha se Trajkoviq kishte qëndruar roje ndërsa shtëpia digjej me familjarë brenda. Selimi përshkroi se si gruaja e axhës së tij, H.S., ishte vrarë brenda shtëpisë, dhe pohon se babai i tij ka dëshmuar në atë kohë për këtë incident, duke thënë se Trajkoviq e kishte goditur me thikë H.S. para se ta linte në shtëpi që të digjej. Mustafa gjithashtu përshkroi një incident ku një plak nga fshati Sibovc ishte maltretuar dhe vrarë nga gjashtë policë serbë, përfshirë Trajkoviq. Ai tha se e kishte parë të akuzuarin duke përdorur forcë të tepruar kundër plakut.
