Komisioni për ndryshimin dhe plotësimin e statutit të Komunës së Malishevës, e ka mbajtur mbledhjen e katërt të radhës për hartimin e draft statutit të ri. Vendimin për ndryshimin dhe plotësimin e statutit të komunës, e ka marrë Kuvendi i Komunës së Malishevës, si nevojë e kohës dhe përshtatjes së aktit më të lartë juridik të komunës me ligjet në fuqi. Komisioni i cili përbëhet nga kryesuesi i kuvendit, Argjend Thaçi, nënkryetari i komunës, Vesel Krasniqi, përfaqësuesit e subjekteve politike në Kuvendin e Komunës dhe shoqëria civile, e ka vazhduar punën, duke e shqyrtuar statutin, nen për nen, në mënyrë që drafti të jetë sa më shpejtë në diskutim publik.