Vendimi i sotëm i Kolegjit Zgjedhor, në Shqipëri, për të mos çregjistruar nga zgjedhjet, Partinë e Unitetit Kombëtar ka bërë jehonë edhe në mediet e huaja. Gazeta prestigjioze amerikane New York Times, shkruan se, “institucioni më i lartë ligjor i zgjedhjeve në Shqipëri vendosi sot në favor të zhvillimit të zgjedhjeve lokale të së dielës, duke hedhur poshtë një lëvizje të Ilir Metës për anulimin e procesit”. “Kolegji Zgjedhor pesë anëtarësh votoi njëzëri që një parti e vogël politike, e cila në bazë të vendimit të Presidentit Ilir Meta kishte kërkuar të çregjistrohej, duhet të marrë pjesë në zgjedhjet e së dielës. Lajmi është botuar edhe në gazetën tjetër amerikane “Washington Post”.
![Vendimi i Kolegjit Zgjedhor, për të mos çregjistruar nga zgjedhjet Partinë e Unitetit Kombëtar u dha edhe në mediet e huaja](https://www.radiokosovaelire.com/wp-content/uploads/auto_kolegji-zgjedhor-1024x5661561379589-660x330.jpg)