Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vendimi i Ministrisë së Tregtisë dhe Industrisë për vendosjen e një mase prej 30% për prodhimet bujqësore që importohen në Kosovë, ka shkaktuar reagime të ashpra në disa shtete fqinje. Kritika dhe kërcënime ka pasur më së shumti nga Maqedonia, të cilët kanë paralajmëruar vendosjen e reciprocitetit ndaj produkteve të Kosovës. Së fundi është ministri i Bujqësisë në Maqedoni, Ljupço Nikollovski i cili ka kërkuar nga Kosova që ta tërheq vendimin për mbrojtjen e produkteve vendore. “Kosova ka shkelur marrëveshjen e CEFTA-s dhe është vendim i paqartë juridikisht dhe formalisht”, ka thënë Nikollovski.
Por këto akuza nga Maqedonia, ministri Tregtisë dhe Industrisë në Kosovë, Bajram Hasani, thekson se vetë fakti që Maqedonia ka dhjetëfishin e eksportit të saj ndaj Kosovës, tregon se kjo gjendje nuk durohet. Ne kemi marrë vendim me bazë ligjore që mund t’ua argumentojmë Maqedonisë dhe çdo pale tjetër që ka bazë ligjore për të marrë vendim. S’kemi marrë vendim në shenjë revolte dhe kundër asnjë shteti. Qëllimi është me i mbrojt prodhuesit tanë, thotë ministri, Hasani.
