Saturday , November 23 2024

Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.

Vendosen ekranet për mësim në shkollën “Tefik Çanga” të Ferizajt

30/03/2021 Institucionet

Tema të tjera...

Nënkryetari i Komunës së Ferizajt, Arton Gavazi bashkë me të parin e Arsimit në Komunën e Ferizajt, Afrim Llabjani morën pjesë në inaugurimin e projektit për furnizimin me bordet inteligjente në shkollën “Tefik Çanga” të Ferizajt, projekt ky që është realizuar me ndihmën e Programit të Stabilizimit të Komunitetit të financuar nga Zyra e Bashkimit Evropian në Kosovë dhe e zbatuar nga Organizata Ndërkombëtare për Migrim (IOM). Drejtori Llabjani me këtë rast tha se ky investim, është një risi në shkollat e Ferizajt, duke teknologjizuar procesin mësimor, e që veçanërisht do t’i shërbej nxënësve dhe mësimdhënësve tashmë gjatë zhvillimit të procesit mësimor gjatë pandemisë COVID-19. Ai shtoi se Komuna e Ferizajt ka synim që të zgjeroj këtë tip të projektit edhe në shkollat tjera që të modernizohet e teknologjizohet procesi mësimor, tash kur mirëfilli dihet se Komuna e Ferizajt ka në punë edhe zhvillimin e ditarit digjital, hap ky me rëndësi të madhe për modernizimin e arsimit ferizajas. Tutje, në emër të donatorit, Nebojša Tasevski tha se ky projekt është tregues sesi me një bashkëpunim të mirëfilltë dhe në dobi të nxënësve, arrihen nisma të tilla që i shërbejnë si model jo vetëm shkollës pore dhe gjithë arsimit lokal.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM

Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara