Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Hydajet Hyseni, zyrtar i lartë i Lëvizjes Vetëvendosje ka njoftuar se nuk mund ta pranojë medaljen, të cilën ia ka ndarë kryetari, Hashim Thaçi, për shkak të situatës në vend. Dhurata të këtilla dhe mirënjohjet e medaljet nuk shkojnë bashkë, ka shkruar ai në shkrimin e tij. Ato ma bëjnë të pamundur pranimin e kësaj mirënjohjeje, pos tjerash, e tjerash e tjerash…, veçanërisht dhe posaçërisht, “dhuratat” dhe “sihariqet” befasuese dhe të papritura, pikërisht në vigjilje të 10 vjetorit të Pavarësisë, sikur janë ulja, zhubravitja dhe heqja policore e spektakolare e flamurit kombëtar shqiptar dhe rivulosja, ripaketimi dhe reinkarnimi i marrëveshjes mashtruese e vetëmashtruese, për kufirin, që i jep tokën e të parëve, shtetit fqinj të Malit të Zi…”, ka shkruar Hyseni.
Përveç Hydajet Hysenit, dekoratat nga Thaçi deri tani e kanë refuzuar edhe deputeti i Vetëvendosjes, Rexhep Selimi, ish-kryekuvendari, Jakup Krasniqi, Radio-Kosova e Lirë, akademiku, Rexhep Qosja, “Koha Ditore”, publicisti, Veton Surroi, bashkëshortja e ish-drejtorit të RTK-së, Burbuqe Nimani Zatriqi.
