Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Kuvendin e Kosovës i ka zhvilluar punimet Tryeza me temë: “Raporti mbi Koston e Shërbimeve Cilësore të Edukimit në Fëmijërinë e Hershme në Kosovë” e organizuar nën kujdesin e kryetarit të Kuvendit të Republikës së Kosovës, Kadri Veseli, në bashkëpunim me Ministrinë e Arsimit, Shkencës dhe Teknologjisë, dhe e mbështetur nga UNICEF-i. Në këtë tryezë të ftuar ishin ministri i Arsimit, Shkencës dhe Teknologjisë, Arsim Bajrami, kryesuesi i Zyrës së UNICEF-it, Xhejms Mugaju, Habit Hajredini nga Zyra për Qeverisje të Mirë në Zyrën e Kryeministrit, Qemajl Marmullakaj, përfaqësues i Zyrës për Planifikim Strategjik, ZKM, përfaqësues të ministrive përkatëse, të Bankës Botërore, si dhe udhëheqës të njësive relevante të administratës së Kuvendit të Kosovës. Në hapjen e punimeve të kësaj tryeze, Flora Brovina, kryetare e Komisionit për Shëndetësi, Punë dhe Mirëqenie Sociale, përshëndeti pjesëmarrësit dhe bëri një rezyme të shkurtër të qëllimit të kësaj tryeze.
