Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryetar të Dardanës nga radhët e PDK-së, Kujtim Gashi ka shpalosur sot programin për zhvillim ekonomik në komunën e Kamenicës. Bashkë me Gashin në shpalosje të këtij programi, ishte edhe kryetari i PDK-së, Kadri Veseli, i cili tha se Kujtim Gashi do të jetë më afër qytetarit dhe PDK do të jetë shtytës në çdo projekt ekonomik. Sipas tij Datdana do të kalojë epokën e izolimit duke u qasur në autostradë, ndërsa shtoi se Gashi është i pa kompromis në luftën kundër korrupsionit dhe do të qeverisë me transparencë. “Gashi do të jetë afër qytetarit, ndërmarrësit, fermerit, arsimtarit”, tha Veseli. Gashi u zotua se gjatë mandatit të tij qeverisës do të krijojë kushte më të mira për zhvillimin ekonomik, investime dhe përkushtim në parkun e biznesit. Kandidati i PDK-së për Dardanën u zotua në ngritjen e kapaciteteve dhe aftësimit të gjeneratave për sektorin e ekonomisë dhe hapjen e 1000 vendeve të reja të punës.
