Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit, Kadri Veseli është shprehur i bindur se do të arrihet konsensusi politik për dialogun me Serbinë. Ai e ka ftuar opozitën që t’i tejkalojë interesat partiake, në mënyrë që të bashkuar të punojnë për të mirën e qytetarëve. Veseli thekson se nga dialogu me Serbinë, Kosova do të dalë fituese. “Kosova ka nevojë për konsensus të brendshëm në mënyrë që të dëshmojë seriozitetin e shtetësisë së vet në të njëjtën kohë të dëshmojë sesa të vendosur jemi në sovranitetin tonë, nuk kemi cfarë të frikësohemi nga ky proces aspak”, ka thënë ai. Kryekuvendari ka komentuar nëse marrëveshja përfundimtare me Serbinë do të jetë e dhimbshme për Kosovën, siç e kanë quajtur presidenti Hashim Thaçi e kryeministri Ramush Haradinaj. “Historia jonë e kaluar është e dhimbshme. Unë besoj shumë se dhimbjet për popullin tonë tani janë pjesë e së kaluarës, sepse ne jeni në anën e miqve, në anën e partnerëve ndërkombëtar. I kemi SHBA-të me vete dhe shtetet e mëdha si Britania e Madhe, Gjermania, Franca, Italia”, ka thënë kryeparlamentari në televizionin publik. I pari i legjislativit ka thënë se duhet të punohet për paqe e stabilitet në Ballkan dhe Kosova të jetë faktor kyç.
