Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryekuvendari Kadri Veseli është nderuar me Çelësin e kryeqytetit shqiptar nga kryetari i Bashkisë së Tiranës, Erion Veliaj. Në këtë takim, kryeparlamentari Veseli shprehu konsideratë të lartë për vizionin e kreut të Tiranës, duke e përgëzuar atë për punën që po realizon. Veseli vlerësoi se zhvillimi i kryeqytetit shqiptar është i një rëndësie të veçantë, sepse reflekton pozitivisht dhe merret si model nga qytetet e tjera në Shqipëri e Kosovë. Në mënyrë simbolike, ai i dhuroi kryebashkiakut Veliaj një punim artizanal nga qyteti i Prizrenit. Ndërsa, kryetari i Bashkisë së Tiranës, Veliaj, u shpreh i nderuar që pati mundësinë t’i dhurojë kryetarit të Kuvendit të Republikës së Kosovës Çelësin e Tiranës, për t’u ndjerë, si në shtëpinë e tij. “Ju kam ndjekur me shumë admirim për mënyrën se si po udhëhiqni, për vendimmarrjet e drejta dhe jo të lehta”, theksoi Veliaj.
