Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shpallja e Deklaratës Kushtetuese ishte vullneti i të gjithë shqiptarëve të Kosovës për të përcaktuar pozitën kushtetuese dhe juridike të vendit. Kështu thanë delegatët, të cilët 26 vite më parë shpallën Deklaratën Kushtetuese për pozitën e re kushtetuese të Kosovës. Për nder të kësaj dite, kryekuvendari Kadri Veseli organizoi një pritje solemne për ish-delegatët e Kuvendit të Kosovës si dhe familjarë të tyre. Sipas tij, 2 korriku ishte vizioni për një Kosovë të lirë, të pavarur, demokratike dhe me orientim të qartë properëndimor. “Kjo deklaratë ishte një moment i forcimit të mëtutjeshëm të unitetit kombëtar në Kosovë rreth vizionit që duhej ndjekur vendi ynë në ato vite të kthesave të mëdha. Ky ishte vizioni për një Kosovë të lirë, të pavarur, demokratike, me orientim të qartë properëndimor, vizion që qëndroi në themele të rezistencës paqësore dhe luftës çlirimtare, por edhe në themele të politikës së sotme të shtetit të Kosovës”, ka thënë kryekuvendari Veseli.
