Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kanë kaluar tre muaj nga zgjedhjet e parakohshme parlamentare, ndërkohë janë zhvilluar tetë takime në mes të liderit të Lëvizjes Vetëvendosje, Albin Kurti, dhe atij të Lidhjes Demokratike të Kosovës, Isa Mustafa, pa asnjë rezultat. Takimet mes tyre përfunduan pa rezultate rreth formimit të një qeverie të re. LDK hodhi poshtë ofertën e fundit të Vetëvendosjes që në këmbim të postit të kryetarit të Kuvendit, në të cilin Glauk Konjufca ishte zgjedhur, LDK do të merrte një ministri shtesë. Kreu i grupit parlamentar të LDK-së, Avdullah Hoti ka shkruar më herët se zgjidhja ishte në duart e Vetëvendosjes, ndërsa lideri i tij Isa Mustafa e ka përsëritur të njëjtën, pas takimit me ambasadorin amerikan Philip Kosnett. Takimi tjetër, i nëntë mes Kurtit dhe Mustafës, nuk është planifikuar, dhe nuk dihet ende nëse do të zhvillohet, kjo mbetet për tu parë. Ndërsa, Vetëvendosje po pret një vendim nga organet e LDK për ofertën e tyre të fundit.
