Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Takimin e së mërkurës, të cilin e ka caktuar biznesmeni i njohur i Kosovës dhe deputeti Ramiz Kelmendi, me qëllim për të diskutuar lidhur me demarkacionin, e kanë konfirmuar pjesëmarrjen tre liderët e partive politike, të Partisë Demokratike të Kosovës, Aleancës për Ardhmërinë e Kosovës dhe Nismës për Kosovën. Vetëvendosja ka bërë të ditur se nuk do të marrë pjesë në këtë takim. “Ne nuk e shohim të rëndësishme të marrim pjesë në takime të këtij lloji, pasi që tashmë është krejt e qartë se ky demarkacion me Malin e Zi është gabim. Frashër Krasniqi i Vetëvendosjes ka shtuar me këtë rast se nikoqiri i takimit Ramiz Kelmendi është një nga njerëzit që i bën më së shumti dëm këtij vendi, sidomos ekonomisë së Kosovës. Ai është importuesi më i madh i produkteve serbe, e rrjedhimisht dëmtuesi më i madh i produkteve vendore. Ky njeri për ne nuk ka legjitimitet, dhe ne nuk mund të kemi besim në një njeri, i cili synim të vetëm ka interesin dhe përfitimin personal, ka thënë Frashër Krasniqi.
