Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për tre anëtarë të Komisionit të Pavarur të Mediave, janë dorëzuar emrat e kandidatëve. Mes tyre, favorite është përkrahësja e Lëvizjes Vetëvendosje, Luljeta Aliu. Luljeta Aliu, e njohur për paraqitjet e saj televizive dhe shkrimet në rrjete sociale, si përkrahëse e hapur e Kryeministrit Albin Kurti dhe Lëvizjes Vetëvendosje, mund të zgjidhet sot deputetët e Kuvendit të Kosovës anëtare e Komisionit të Pavarur të Mediave. Sekretari i EFJ-së i ka bërë thirrje kryeministrit Albin Kurti, kryetar i Vetëvendosjes, që të ndalojë politizimin e mëtutjeshëm të KPM-së. Luljeta Aliu e njohur në debate për paraqitje deri edhe naive e skandaloze prej kohësh ka synuar të bëhet pjesë e KPM-së dhe tani ka dalë para deputetëve, për partitë e të cilëve është deklaruar në rrjetet sociale dhe në studio televizive. Ajo është kandidatja që në nëntor është vlerësuar më së larti për anëtare të KPM-së, nga Komisioni Parlamentar i përbërë me shumicë nga deputetë të Vetëvendosjes, Njazi Isaku, Valon Ramadani, Arbëresha Kryeziu – Hyseni, Fitim Haziri, Besim Muzaqi, dhe deputetë të opozitës, Valentina Bunjaku, Albana Bytyqi, Mërgim Lushtaku dhe Isak Shabani. Me Kushtetutën e Kosovës, KPM-ja përcaktohet organ i pavarur, por shkelja e Kushtetutës nga Qeveria aktuale, tanimë është përditshmëri dhe një shkelje më shumë nuk do të thotë edhe aq shumë, të paktën në këtë rast.
