Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka dorëzuar sot në Prokurorinë Speciale kallëzim penal lidhur, siç thotë kjo parti, me abuzimin me furnizim me oksigjen medicinal për spitalet e Kosovës. Furnizimi me oksigjen ka qenë problem që nga fillimi i pandemisë. Deputeti i kësaj partie, Fitim Uka, ka thënë se kallëzimin penal e kanë dorëzuar shkaku që nuk kanë marrë përgjigje nga institucionet, as nga ministri i Shëndetësisë, Armend Zemaj dhe ushtruesi i detyrës së drejtorit të SHSKUK-së, Valbon Krasniqi. Uka ka thënë se ata kanë rrezikuar shëndetin e qytetarëve, pasi njëherë kanë deklaruar se ka mjaftueshëm oksigjen ndërsa më vonë qytetarët janë detyruar të blejnë atë. Deputetët e Lëvizjes Vetëvendosje në kallëzimin penal kanë përfshirë edhe çmimet e larta dhe terapinë për trajtimin e COVID-19 që qytetarëve u ka kushtuar mijëra euro.
