Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka njoftuar se po zhvillon takime me qytetarët e Kosovës, me të cilët po diskuton për “aventurat e rrezikshme të kryetarit Thaçi”. Sipas Vetëvendosjes, kreu i shtetit kokë më vete, pa autorizim e pa legjitimitet po flet në emër të Republikës. Përballë kësaj situate, kjo parti konsideron se protestat dhe demonstratat, përveçse të nevojshme, janë bërë edhe të domosdoshme. “Së bashku me qytetarët anë e kënd Kosovës po mbahen diskutime për aventurat e rrezikshme të presidentit Thaçi që kokë në vete, pa autorizim e pa legjitimitet po flet në emër të Republikës. Në shërbim të këtij presidenti mazhoranca ka uzurpuar Kuvendin duke moslejuar mbajtjen e seancës së thirrur nga opozita për të ndaluar pazaret e tij me Serbinë. Përballë kësaj situate, protestat dhe demonstratat, përveçse të nevojshme, janë bërë edhe të domosdoshme”, thuhet në njoftimin e Lëvizjes Vetëvendosje .
