Zyrtari i Lidhjes Demokratike të Kosovës, Visar Azemi, ka thënë se sulmi ndaj mediave me artikullin e “Sllobodna Bosna”, është “manifestimi më brutal“ i kontrollit të RTK-së nga pushteti. Ai sulm ishte i orkestruar, e dokumentuan zyrtarë, deputetët e ministrat e Vetëvendosjes që i dhanë jehonë këtij shkrimi. Sipas tij, “kapakun” ia vuri Ministrja e Drejtësisë, Albulena Haxhiu, e cila dje tha se e njoftoi Prokurorinë për shkrimin, e gazetën boshnjake e quajti kredibile. Derisa kanë kaluar dy ditë nga ky super-skandal i transmetuesit publik që paguhet nga taksat tona, askush nuk dha përgjegjësi që publikut si u publikua një shpifje në edicionin qendror të lajmeve. Në anën tjetër, zyrtarët e pushtetit paralelisht udhëheqin të njëjtën propagandë. Pushtetet që duan kontroll të fjalës së lirë e lirisë së mediave, i takojnë një mendësie të rrezikshme, me rrënjë në një pjesë të palavdishme të historisë njerëzore, ka thënë Azemi.
![RTK-ja](https://www.radiokosovaelire.com/wp-content/uploads/rtk-660x330.jpg)