Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Vetëvendosjes, Visar Ymeri, në një konferencë me gazetarë ka deklaruar se Kosovës sot nuk i duhet lufta. Më shumë se kurrë kemi nevojë për forcim të Republikës, shtetndërtim sovran, bashkërendim kombëtar, punë, drejtësi e paqe. Për të gjitha të këqijat që e kanë pllakosur vendin ai bën fajtorë, Hashim Thaçin, Kadri Veselin dhe Isa Mustafën. Agresioni i Serbisë karshi Kosovës nuk është i ri e as fundamentalisht i ndryshëm. Metodat mund të dallojnë herë pas herë duke iu përshtatur rrethanave, por qëllimi e efekti i tyre vazhdimisht janë të njëjta. Pavarësisht nëse ndërhyrjet vijnë në formën e murit, trenit, Listës Serbe, telekomunikacionit, energjisë, komunave me shumicë serbe, Zajednicës, strukturave ilegale e kriminale, qëllimi i tyre është i njëjtë – pamundësimi i Republikës së Kosovës, dhe mos realizimi i sovranizimit të saj. Të gjitha këto ndërhyrje Serbisë iu mundësuan nga negociatat pa kushte e pa parime dhe koncesionet e vazhdueshme ndaj saj, si rrjedhojë e po këtyre negociatave.
